رەنگ و جەنگ سەمیرە عەباسی
وەیجویرە خانمە هونەرمەن ئیرانی سەمیرە عەباسی، باس بەشیگ لە باوەتەیل وڵاتەگەی وە پیشکەشکردن زنجیرەی Abbasy's Chemical Hysterical کەێد، وەگەرد هەشت تابلۆ لە پیشانگای West Hollywood.
سەمیرە عەباسی لە ئەهواز ئیران لە بنەماڵەی کەمینەی عەرەو لە بنچینەی عراقی لەداڵگبویە، لە مناڵیی لە ساڵ ١٩٦٧ رەسیە لەندەن، و لە کولێژ کانتربری هونەر خوەنست، ئیجا رەسیە نیویۆرک تا ناوەند هونەری ئێلیزابێت، و ناوەند EFA Studio لە ساڵ ١٩٨٨ دامەزرنێد، لە کارەیلی رەخنەی رەوشەیل وڵاتەگەی گرێد، و هونەر فارسی وە کەلتور عەرەبی تیکەڵا کەێد، و گفتوگو لە کارەیلی دروس کەێد.
سەمیرە عەباسی نەک تەنیا چوودە قویلایی میژوو هونەری خوەرهەڵات، باوجی هەمیش چوودە ناو کاریگەری دەروینی لە گفتوگۆەیل خوەرهەڵات و خوەرئاوا، و لە چشت رەسەن و بیگانە، ک سەردەم قاجاری وەگەرد خانمە هونەرمەن مەکسیکی فریدا کاهلۆ تیکەڵا کەێد.
لە زنجیرەی تابلۆیلە عەباسی زوان هونەر پیرووز لەناو کەلتورەیل وەکار تیارێد، و ئایکۆنەیلیگ نشان دەێد ک پەک جویلەی ژیان خستنە وەخاتر چشتیگ ناشرین وەپیرزوز خوەی داناگە، و نشان رمیان نەتەوەیگ وەدەس ئاخونەیل دەێد، و ئەو رمیان وە چشت خاسیگ لەناو مەردم چەسپاننە.
سەمیرە عەباسی کارەیلی لە ئاست ناودەوڵەتی نمایش کرد، و بویە خاوەن بڕوا و ریز دامەزراوەیلیگ جویر موزەخانەی مترۆبولیتان و موزەخانەی بەریتانیا و LACMA و گرووپ ئەفخامی.
