رزگار بیین لە کورونا، وە هاناێ عشق
2021-09-02T20:41:57+00:00
شەفەق نیوز/ "ئەکبەر رەحمان موحەمەدپوور" پیاگ قزوینی ک سۆوەێلێ نەوەد لە سەد وە ویرووس کورونا، دەروەسەو بین، چۆچشتێ وە موعجزەیێگ زینگ ما و نەمرد.
ئی بیمارە ک دە خەستەخانەێ بوعەلی شار قەزوین، وەگەرد داڵگێ خەفان‌بینەی وە خاتر خوەنستن نامەێل عاشقانەێ ژنەگەێ ک دە نام "خاو و خەوەر" و ناویریایی ئەڕاێ دخوەنستنەیان، لە مردن گلەو خوارد و وەێ نامەێلە و وە ژنەفتن نزا و نقاێ هام‌ژینەگەێ خوەێ وە ژیان ئەڵگەردیا.
ئی هه‌واڵه ده گشت هەواڵنێرییەێلە و شەواچەێل مەجازی ئێران لە پەسا هە دەس وە دەس دکرێ و رووحیەێ فرەیێگ وە بنەماڵەێل کوروناییەێلە ئەڕا زینگ ماین بیمارەێلەیان وە هاناێ عشق و خزمەت کردن داگە.
کارناسەێلە، هە لە یەکم رووژەگەو وتنە ک خوەێ باختن و دڵەڕکی و فوبیاێ کورونا، چوون سێستم هێمنی بیمارەێلە دیارێگە خوار، لە کوروناگە خوەێ، فرەتر ئایم دکوشێ.
