ئەرا یەکەمینجار شاباز زەمانی بەشداری لە فلیمیگ سینەمایی کەێد
2022-09-16T10:09:40+00:00
شەفەق نیوز/ گوڕانیچر ناودیار کوردستان شاباز زەمانی، وەی زویەیلە بەشداری لە فیلیم نوویگ سینەمایی وەناو (رۆژین) کەێد، ک لە سینەمایەیل پەخش کریەێد.
شاباز لە هەشمار تایبەت خوەی لە تووڕ کۆمەڵایەتی ئینستاگرام راگەیان، " فلیم رۆژین لە ئایندەیگ نزیک لەبان شاشەیل سینەمایەیل کوردستان و ئەوروپا پیشکەش ئیوەی خۆشەویست کریەێد ک لە وڵات ئیران کار وینەکردن ئەرای کریاگە وەلایەن کۆمپانیای (ZS) بەرهەمهاوریایە، ناوەرۆک فیلمەگەیش باس لە گیچەڵیگ کۆمەڵایەتی کەێد".
شاباز زەمانی لە ساڵ (١٩٩٠) لە سلێمانی لە داڵگبویە، ماوەی چەن ساڵیگە دەس وە كار هونەری كردییە و خاوەن چەن كلیپیگە لە گوزەشتە زیاتر لە شەوە ئاھەنگ و کۆنسێرتەگان بەرھەمەیل هونەری خوەی پێشکەش کرد، ئیرنگە ئەرا یەکەمین جاریشە بەشداری لە فلیمیگ سینەمایی کەێد.
