ئیران بڕیار زیندانیکردن لەبان دوو خانمە ئەکتەر دەرکەێد چوینکە لەچک نیەکەنە سەر
سەرچەوەیل دووپات کردن ک بڕیار دوو ساڵ زیندانی وەگەرد وسیان جیوەجیکردن، و چەن سزایگتر جویر بیبەشی لە وەکارهاوردن ئەنتەرنێت و سۆشیال میدیا تا ماوەی دوو ساڵ و قەیەغەکردن لە دەرچگن لە ئیران، لەبان خانمە ئەكتەر ( ئەفسانە پایکان) دەرچگ.
هەمیش فەرمان لەبان ئەفسانە دەرچگ ک بایەسە هەفتانە سەردان پزشک دەروینی بکەێد ئەرا چارەکردن دیاردەیگ دەروینی وە ناونشان (دژایەتی خانەوادە) و بایەسە کتاوەیلیگ دیاریکریاگ بخوەنێد، و نەختیتەی کتاوەیل بنویسێد، تا لە چەن چینیگ روشنهویرەو بوود.
دادگای ئیرانی هەمیش سزایلیگ لەبان خانمە ئەکتەر (لەیلا باوکان) دەرکرد وە ١٠ مانگ زیندانی وەگەرد وسیان جیوەجیکردن شەش مانگ لەلی، و ئەو ماوەکە لەناو یەکیگ لە زیندانەیل پارێزگای سمنان.
هەمیش قەیەغە لە دەرچگن لە ئیران تا ماوەی دوو ساڵ دەرچگ، و قەیەغەکردنی لە هەر کاریگ هونەری لە راگەیانن ناو و دەیشت تا ماوەی دوو ساڵ، و قەیەغەکردنی لە هەر کاریگ لەبان ئەنتەرنێت و سۆشیال میدیا.
داداگاگە هەمیش خوەنستن چەن کتاویگ وەماوەی یەک مانگ لەبانی چەسپان.
