دینا.. ٩ جار شۊی کردمە و گشتیان رازی نەۊین سەما بکەم  

شەفەق نیوز/ خانمە هونەرمەن سەماکەر میسری،  دینا ، لەیەگیگ لە بەڕنامەیل تەلەڤزیۆنی باس ئەو سەختیەیلە کرد ک وەخوەی دی، و وت: لەتەمەن فرە بۊچگیگ شۊی کردمە، چۊنکە باوگم رازی نەۊی سەما بکەم، شۊی کردم تا کار بکەم، و باوگم دوو ساڵ قسە وەگەردم نەکرد چۊنکە رخی لەبان چیاد، و من لەو مەوقە لە خوەنەوارەی ناوەندی بۊیم، و باوگم وتیان هەرکە بچوودە ناو جەهان هونەری گشت رەفتاریگ کەێد، و مەی نووشێد، و منیش قەت بیرە نەنووشیمە و تامییش نێزانم.                

دینا وتیش: ٩ جار شۊی کردمە، و گشتیان لە دەیشت جەهان هونەری بۊینە، و تەڵاقەیلە لەوەر ئەوە بۊیە ک ئەو پیاوەیلە رازی نەۊینە سەما بکەم.