دەسەیل ساندرۆ بوتیچیلی

شەفەق نیوز/ بوتیچیلی، ئەو هونەرمەن ئیتالیە، ژن نەخوازێد، ونەیش خوەشی هات یەکیگ ژن بخوازێس، و ئی کاریشە هەر نەکرد، و وتیاد ک رخی لە ژنخوازین تیەێد، باوجی وەشیوەی گشتی، خوەشی لە ژنیگ پایەدار وشویدار هات، وەناو سيمونيتا فيسبوتشی،  ک ئەو ژنە نموونەیگ ئەرا وینەکیشان لەشی بوی، لە ناودیارتین تابلۆیلی (پەیابوین ڤینۆس).

ئەو ژنە، لە شوینەیلیگتر لە کارەیلی دیار دەێد، تا وەختیگ ژنەگە مرد، و هەمیشە دەس ئەو ژنە لەناو تابلۆیلی بوی.

بڕیگ وتن؛ بوتیچیلی ژن نەخوازێد چوینکە لەناو ئەرشیف دادگا، کابرایگ توومەتی کردیە ک رەگەزدووس بویە، ٢ گوایە لە ١٦ی نۆڤەمبەر ١٥٠٢ کوڕیگ لەلای بویە، باوجی ئەو توومەتە پویچەڵ کریا.

لە ١٧ی مایۆ ١٥١٠، دویاکووچی کرد،  و ئارەزوو داشت لەلای پای سيمونيتا فيسبوتشی بنریەێدە خاک، باوجی لە کلیسەی ئۆگانیسانتی نریا خاک.