دی وه‌ڕويتی ده‌رناكه‌فێ
چه‌ن ڕووژێگ وه‌رجله ئيسه شوماره‌یگ له هه‌ساره‌یل هۆڵیود ك وه‌ی دوياخره بوينه خاوه‌ن مناڵ ئه‌ڕا میوانداری له‌لایه‌ن ڕێكخرياگ ( (March of Dimeه‌و له‌ئوتێل (هیڵتۆن) گرده‌وبوين وه‌ئامانج ئه‌وه‌گ هاوكاری ئه‌و ڕێكخرياگه بكه‌ن ك تایبه‌ته وه‌مقه‌يه‌تيكردن له ته‌ندروستی مناڵه‌يل.
جی باسه، ئه‌و ڕێكخرياگ خه‌ێرخوازییه ئامانجی ئه‌وه‌سه هاوكاری داڵگه‌یل زگپڕ بكا ئه‌ڕا ئه‌وه‌گ ته‌ندروستی خاسێگ داشتوون له‌قوناغ زگپڕییان.
هه‌ر له‌میواندارییه‌گه میگان فۆكس له‌چوارچيوه‌ی لیدوانێگ وت:" دويای مناڵ هاوردنم ديدم له‌باره‌ێ ئه‌و ڕۆڵه‌يله ك فره ورووژنه‌رن ئاڵشته‌و بوود، چوينكه هویر له‌ڕووژه‌يليگ ئه‌كه‌مه‌و ك كوڕه‌گه‌م بچوود ئه‌ڕا خوه‌ندنگا‌‌و هاوڕێيه‌يلی وێنه نیمچه ڕويت‌و سێكسیه‌گانم نیشانی بيه‌ن و ديين وێنه‌گان بدێده مايه‌ی بێزاربوين و شه‌رمه‌زاركردنی".
ا. ج
