دڵنیا قه‌ره‌داغی وه‌خاتر داواكاری فره‌ێ "شويكردنه‌و" له‌فه‌یس بووك نه‌مه‌ن
دڵنیا قه‌ره‌داغی له‌چه‌ووه‌پێ كه‌فتنێگ تلفزيۆنی وت "وه‌رجله يه له فه‌یس بوك به‌شداربويم، وه‌لی ئه‌وقه‌ره نامه ئه‌ڕام هاتياد ئه‌ڕا داوای شويكردن، ناچار بويم لاپه‌ڕه‌گه‌م بوه‌سم و وه‌باوه‌ڕ من هاوسه‌رگیری و خوه‌شه‌ویسی له‌و رێيه‌و ناكريه‌ێ، ئيسه له‌فه‌یس بوك لاپه‌ڕه نه‌يرم".
دڵنیا قه‌ره‌داغی ئه‌و هه‌واڵه‌يليشه ره‌ته‌وكرد ك باس له‌وه كه‌ن نه‌شته‌رگه‌ری جوانكاری كردويد و وت "ئه‌گه‌ر بخوازم نه‌شته‌رگه‌ری جوانكاری بكه‌م كه‌م، وه‌لی نه‌شته‌رگه‌ری جوانكاری نه‌كردمه‌و تويش ڤایرۆسێگ بويم ك كاریگه‌ری له‌بان مه‌غزم كردو سێ نه‌شته‌رگه‌ری له توركیا ئه‌ڕام كريا".
ئه‌و گورانیچڕه ئاشكرایشيه‌وكرد ك ها ته‌ما كلپیپێگ نوو تومار بكا و وه‌خت خوه‌ی ئه‌ڕا هاوسه‌ره‌گه‌ی وتگه ك چه‌نه‌ها ساڵه له‌یه‌كتر جیاوه‌بوينه‌سه‌و.
هه‌ميش وت "وه‌خت خوه‌ی هاوسه‌ره‌گه‌م فره هاوكاری‌م كرد و ده‌سخوه‌شی له‌لی كه‌م".
أ. ج
NRT
