دو خوەێشک لفانگ ژاپونی، پیرترینەێل دنیان
شەفەق نیوز/ دو خوەێشک، وە 107 ساڵ و 300 رووژ سن ک خەڵک ژاپونن و لفانگن، دە نام کتاو رکوردەێل "گینس" وە پیرترین ئایمەێل دنیا نامگیر کریان.
ئەوان دە پەنجم نوامبر ساڵ 1913 زایینی ده جزیرەی شودوشیما دە وڵات ژاپۆن هاتنەسە دی و ئایمەێل خوێنگەرم و سەرزینگێگن.
یەکێ لە ئەوان سێ زاڕوو و ئەو یەکەگەێش دو زاڕوو دیرێ ئوو مناڵەێلەیان وتنە ک ئی دو کەێوانووە هەمیشە ئارزوو داشتنە ک وەێ رکوردە بڕەسن.
ئەوان، جیاجیا دە دو ماڵەگەێ ساڵمەندەێلە، گەواهییەگەێ نریان نامێیان دە نام کتاو گینس، وەرگرتنە.
وەر ژە ئەوان، ئی رکوردە دە دەس دو کەێوانوو پیر لفانگێ تر بییە ک هەمجا ژاپونی بینە ئوو سەد و هەفت ساڵ و 175 رووژ ژیانە و ده ساڵەێل 2000 و 2001 مردنه.
چمان کەیوانووەێل ژاپونی لەو دووەێ وڵاتەێلە، گیانێیان جیڕترەو و عمردریژترن چوون بێ‌ژە ئەوانە پیرترین ئایم بان زەمینیش هەمجا کەێوانووێگە ژاپونی وه نام "کانە تاناکا" ک 118 ساڵێیه.
