دویەت ئەنجلینا جۆلی و براد بێت خوازێد ناو خوەی ئاڵشت بکەێد
2024-06-02T11:25:12+00:00
شەفەق نیوز/ دویەتەی دوو هاسارەی سینەما ئەنجلینا جۆلی و براد بێت داوای یاسایی پیشکەش کرد تا واژەی (بێت) لەقەی ناوەگەی بسڕێدەو، هەر لەو رووژە کە تەمەنی رەسیە ١٨ ساڵان.
رووژنامەی لۆس ئانجلەس تایمز ئەمریکی وت: شیلۆه نۆڤێل جۆلی بێت، داوا لە دادگای باڵا لە ناوچەی لۆس ئانجلەس کرد ناو خوەی تەنیا وە شیلۆه نۆڤێل جۆلی بمینێد.
شیلۆه کە رۆڵ ئەکتەری دەنگ لە فیلم کۆنگ ڤۆ بانەدا ٣ رانێد، یەکەمینە لەناو برا و خوشکەیلی کە ئی داوا وە فەرمی کردگەر و بەشیگ لەلیان لەی ساڵەیل دویاییە ناو باوگیان وەکار نیەتیەرن.
ئەنجلینا جۆلی لە ساڵ ٢٠١٦ داوای جیاوەبوین لە براد بێت کرد، وەلێ هیمان کارەیل تەڵاقاگە یەکلاوە نەویە.
