دويه‌تێگ ئه‌مريكی گورانی ئه‌ڕا هەڵەبجە چڕێ
وەگوره‌ی هەواڵێگ ماڵپەڕ ئیلاف سارا سیمۆنس تازه‌ترین گورانی خوه‌ی وەناو Now Nation تومار کرد، ک لە شعر شاعر کورد حەمید قەڵادزەییە و شێرزاد حەسەنی رووشنهویر هه‌ڵێه‌وگه‌ردانگه‌سه بان زووان ئنگلیزی.
له‌شوون ئەوەگ پاره‌كه شاندێگ رووشنهویره‌یل ئەمریکی سەردان کوردستان کرد، سارا یەکێگ بوی لە ئەندامه‌یل ئی شاندە و قه‌وڵ ئەوە داويده خەڵک هەڵەبجە، گورانییگ ئه‌ڕا شارەگەیان بچڕێ، قه‌وڵەگەی خوه‌ی جێوەجێکرد و گورانییەگەيش پێشکەش وە کوردستان و هەڵەبجە کرد.
حەمید قەڵادزەیی، شاعر، له‌بارەی ئی گورانییە وە هەمان ماڵپەڕ وتگە، "ئوميدوارم ئی گورانییە وە زويترین وه‌خت کلیپێگ ئه‌ڕاێ بکريه‌ێد، تا لە کەناڵەيل ئاسمانی و لۆكاڵی پەخش بکريه‌ێد، وەتایبەتی ئه‌ڕا رووژ کیمیاوارانکردن هەڵەبجە، ک ئەکادە 16-3-2014 ئامادە بوود، تا نیشان جه‌هان بدريه‌ێد سەدام حوسێن بۆمب کیمیایی لە شار هەڵەبجە تەقانگەسەو".
ا. ج
