دروسکردن ئامێر موسیقی لە جیماگەێل جەنگ
![دروسکردن ئامێر موسیقی لە جیماگەێل جەنگ](https://media.shafaq.com/media/arcella/1637422099989.jpg)
شەفەق نیوز/ نیکۆلاس ماکورا، پەیکەرسازیگ خەڵک سەربیا، گشت هەفتەیگ وەناو مەیدان جیماگەی چەک و بەرگ سەربازی کۊەنەێلە مینەکەێد.
پارچە فڕەدریاگەێل جۊر تفەنگ، کڵاو ئاسنین و موشەک و گشت ئەو کەلوپەلەێلە ئەڵگرێد ک توانێد بوەێدەی ستۆدیۆگەی خوەی و بکەێدەی ئامێر میوزیک، پیاوە 42 ساڵەگە خوازێد ئی جیماگەی جەنگ 1990 ک جارێ ئاسەوارەێلی وەبان وڵاتەگەوە مایە ئاڵشتی بکەێد ئەرا کار هونەری جوان و سەرنج کیشەریگ.
تا ئیسە گاڵۆنیگ گاز و تووپیگ دژە تانک ئاڵشت کردیە ئەرا ئامێری چەلۆ، گیتاریگ لە تفەنگیگ لە جوور "سازتاڤا ئێم 70 " و کڵاو سەربازی یۆگۆسلاڤ دروسکردیە.