خانمە گورانیچڕ سەیران عوسمان نووترین وینەی خوەی وەگەرد کۆرپەگەی بڵاوکەێد
2024-07-23T08:51:35+00:00
شەفەق نیوز/ خانمە هونەرمەن گورانیچڕ سەیران عوسمان نووترین وینەی خوەی کە کورپە تازە لەداڵگبویەگەی گردیەسە باوەش بڵاوکرد
سەیران ئەرا کوڕەگەی نویسایە:" من تو لە گشت چشتی فرەتر لەی دونیایە دوس دیرم، هەر کاریگ کەم تا دڵنیابوم وە رەنگینترین و خاسترین شیوە گەورەبوی، وەخێر هاتی ئەرا ناو زندگیمان".
سەیران عوسمان لە خوەرهەڵات کوردستان لەداڵگبویە و ئیرنگە لە هەرێم کوردستان دانیشێد، سەرەتا وە چرین چەن گورانی فۆلکلۆرییگ دەس وە کار هونەریی کرد چەن گورانی و ڤیدیۆ کلیپیگ تایبەت وە خوەی دیرێد شوی کردیەسە سەهەند کوڕ هونەرمەن عەزیز وەیسی.
