خانمە هونەرمەن ماگالی لە کارەیل هاوسەردەمی.. ڤیدیۆ

روئیا سەعەد/ مەردم هەمیشە خوەشیان لە رەنگینی تیەێد، باوجی لە ناساننی جیواز بوینە.

ئەفلاتوون -ئەرا نموونە- ئویشێد: رەنگینی وخێر و حەق یەی راسی دیرن، ک ئەوەگ لەبان باتڵ دروس کریاگە، قەت رەنگین نییە، و هاتێ کەسیگ رای ئەفلاتوون وەدڵی نەوود، ک بویشێد: خێر سوود دیرێد، باوجی رەنگینی مەرج نییە سوودیگ بیاشتوود، و حەق وە بەڵگە دیارە، و رەنگینی بەڵگە نیەوخوازێد.

ئەرەستوو کار لە شیوە جیاوە کەێد، ک کار ئەوەسە ک وەخێر باسی کریەێد، باوجی شیوە ئەوەسە ک وە رەنگینی باسی کریەێد.

هونەر ری زانستە، و جەهان هونەر سیستەمیگ تایبەتە ک ئەرزش ئەرا ئایم دیرێد، هاووەختە وەگەرد جەهان فەلسەفە وزانست، و لەڕاسی ئیمە لە میژوو مرۆیی دەسنەکردیمنە فامستن گرنگی هونەر تا ئەوەنە وە ئاشکرا نووڕیمنەی، هونەر جویر رییگ ئەرا زانست، هەکاتی ئەو ریەیلە ک ئایم ئەرا فامستن جەهانی وەپی رەسێد.

 هونەرمەنەیل روی وەرەو دروسکردن جەهانیگ کردن، ک گەوهەری لە هویر رەنگیتری جیاواز نییە جویر ری وازیگ وەرەو داناییگ ئەرزشەیل مرۆیی وەرەو فەلسەفە بەێد، و هەمیش وەرەو چەن ری و دوڕیانیگ، ک کۆمپانیای PUMA Peace ئەرکدار Magali Charrier کرد وەگەرد ٧ هونەرمەنتر، تا نمایشیگ تایبەت وە ئاشتی ئەرا فیستواڵ ئاشتی جەهان لە ساڵ ٢٠١١ ئامادە بکەن، ئمجا کارەگە لەبان کەناڵ ئێم بی سی چوارەم جویر پەخش بوود.

ماگالی، ئەو خانمە هونەرمەنە، وە شیوەکاری  ئاشکرای توانایل لەش ئایم وکار ناوی کرد، وهەمیش تا بنووڕێدە ئەو هەسەیلیە ک ئاشکرا نیین، ئەوەیش وە تیکڵاکردن کڕەیل شیوەکاری وەگەرد جویلەی لەش زنی ئەرا خود دویەتەگە، و لەی نمایشە، لەش وەگەرد سایڵەگەی، لە جویلە وهەسی ئایم دروس کەێد.

خانمە هونەرمەن مگالی، لەباوەت چوار فیلم Peace Starts With Me ئویشێد: گرنگی دیامە وینەگردن ئەو ئەنووە ک رووژانە لە قویلی ناخ دروس بوود، وئەو کاروان ئاژاوە ک وەخاتر رەسین ئەرا ئاشتی ناوی دروس بوون، لەڕی ئەو ئامادەکاریەیل ئاسانە جویر: یەک گرتەی وسیاگ، وەگەرد کەسیگ لە بۆشایی جویلە کەێد، لەناو کپی وئارامییگ، و وەناکاوەو سایڵ بڵویزەیگ لە شیوەی ئایم دەرچوود، یەکەم جار دووارەو بوود وبڕیەێد، ئیجا چوودە ناو سەرقاڵی گەرمیگ ولە ناو خوەی دەرچوود، و دەسدەێدە وەر، وپەک یەکەم شیوەی خوەی خەێد، و لەناو تاریکی کەڵەکە بوود، ئمجا، جویر هەناسیگ ناکاوی، لە ناو ئەو ئاژاوە، ئاشتی پەیا بوود.

Magali Charrier جویر دەرهێنەر و شیوەکار جویلەکەر وئازادکەر ڤیدیۆ ناسیاگە، و ئەزموونی لە هونەرە جوانەیل و شیوەکاری جویلەکەر و سەما  هیشت بوودە خاوەن رەفتاریگ فرە خوازیاگ وجیاواز، ک فرەجار لەبان فیلم و شیوەکاری جویلەکەر کار کەێد.

ماگالی بڕیگ خەڵات وەدەس هاورد جویر: خەڵات VideoDansa، پەرشەلۆنە، خەڵات NAHEMI لە ڤیستواڵ سینەمایی Encounters،  بريستول، خاسترێن فیلم سەما لە ڤیستواڵ CineDans، ئەمستردام، و لەلایەن Channel4و BBC4 و ئەنجومەن هونەرەیل وەپی دریا.

Magali هەمیش جویر هونورمەن کوریگرافیا کار کردیە، و نمایشەیل ڤیدیۆ لە شانوو زنی وبەرهەم سەما وەگەرد کوڵە فیلم بەرهەم کردیە.

زنجیرەی کوڵیگ لە فیلمەیل شیوەکاری جویلەکەر لە سەمای هاوسەردەمی ئەرا The Place دروس کرد، ک سریاڵەگە لە تاوسان ٢٠١٤ خریا بازاڕ.

 ئەڵگەردان: ئاژانس شەفەق نیوز