خانمە میدیاکار ئەڤین ئاسۆ دویای سێ ساڵ دویری دوارە گلەوخوەێد
ئەڤین لە پۆستیگ لەبان تووڕ کۆمەڵایەتی راگەیانیە" لە رووژ هەشت مارس خەوەر گلەوخواردن پرۆگرامە دڵخوازەگەدان دەمە پیدان، سێ ساڵ کەم نەوی ئەرا دویرەو کەفتن لە شاشە، باوجی ئێ وچانە پێویست بوی تا وە گڕوتین قایمیگ گلەوخوەم"
وتیش" وەی زویەیلە وەرز دوانزەهەم ئەڤین ژن و ژیان لە کوردماکس دەسوەپی کەێد".
ئەڤین لە ساڵ ١٩٨٦ لە گەڕەک دەرگەزێن شار سلێمانی لەداڵگبوییە، چەن ساڵیگ وەرجە ئیسە یەکەمین ئەزموون پیشکەشکردن لە ڕادیۆ و تەلەڤزیۆن «پارێزگاران» دەس وەپیکرد، دویای ئەوە چگە ئەرا ڕادیۆی نەوا و ماوەی زیاتر لە ساڵیگ پێشکەشکار سەرەکیی بەرنامەی «سروەی نەوا» و وەرپرس هەماهەنگیی بەرنامەیل ئەو ڕادیۆیە بوییە.
دویاجار چگە کۆمپانیای ئارت، لە رێ کارەیلی ئەو کۆمپانیایە و دواتریش کەناڵ ٤ و بەرنامەگەی «ئەڤین ژن و ژیان» ناوبانگ فرەیگ پەیداکرد. ئەو بەرنامەیلە تا ئیسە کار و پێشکەشکار لەلی کردیە بریتین لە (میڤان شۆ، چەرخ و فەلەک، من جیاوازم، تۆ نموونەی، ملیۆنێر، ئارامۆ شۆ و ئەڤین ژن و ژیان)، تا ئیسە لە ھەریەک لە کەناڵە ئاسمانییەیل (زاگرۆس تیڤی، کۆڕەک، كەناڵ ٤، کوردماکس و نێت تیڤی) کار کردیە.
