بەرەندەی دویەشەو خەڵات "گرامی"

 لەمیانەی ئاهەنگەگە چەن ریکۆرد نوویگ توومارکریا لە گرنگترینیان  "تایلۆر سویفت" ئەرا چوارەمینجار  خەڵات گرامی ئەرا خاسترین ئەلبوم ساڵ وەدەسهاورد، هەمیش "مایلی سایرس" ریکۆرد ساڵ وەدەسهاورد وە گورانی وەناوبانگەگەی وەناو "گوڵەگان"، و "بیلی ئایلیش" خاسترین گورانی ساڵ بردەو ئەرا گورانیگ کە لە فلیم "باربی" چڕیەسێ.

لیست بەرەندەیلە وەیجویرە بوی:

تایلۆر سویفت خاسترین ئەلبوم ساڵ بردەو ئەرا ئەلبوم ‘Midnights’ و مایلی سایرس خاسترین توومار ساڵ بردەو ئەرا ‘Flowers'.

فۆبی بریجەرز فرەترین خەڵات گرامی ساڵ٢٠٢٤ی بردەو، کە چوار خەڵات وەدەسهاورد، سێ خەڵاتی وەرد تیپەگەی بوی.

بیلی ئایلیش و فینیاس خاسترین گورانی ساڵ بردنەو ئەرا گورانی "What Was I Made For” .

خاسترین ئەلبوم پۆپ، تایلۆر سویفت ئەرا ئەلبوم "Midnights”.

خاسترین تێکست نویس گورانی، سیرۆن تۆماس.

خاسترین ئەلبوم راپ، کیلەر مایک ئەرا ئەلبوم "مایکڵ".

خاسترین ئەلبوم فۆلکلۆر، جۆنی میشێل ئەرا ئەلبوم Joni Mitchell at Newport (Live).

خاسترین ڤیدیۆکلیپ ساڵ، گروپ زە بیتڵس ئەرا " I’m Only Sleeping".