پەیاکردن تەرم خانمە ئەکتەریگ ئەمریکی
2022-02-20T06:59:06+00:00
شەفەق نیوز/ دەسەڵاتەیل ئەمریکا تەرم خانمە ئەکتەر لیندسی ئیرین پیرلمان پەیا کردن ک لە زنجیرەی ژەنیڕاڵ هۆسپیتاڵ و ئەمێرکان هاوسوایف بەشداری کرد، ئەوەیش دۊای چەن رووژیگ لە بیسەروشۊنیی لە لۆس ئەنجلس.
پۆلیس تەقەلا دا وەدەسمیەتی مەردمەگە پەیای پیرلمان ٤٣ ساڵان بکەێد، ک دۊاترین دیداری لە نیمەڕو یەکشەممەی گوزەشتە بۊ، وەگورەی ئیزگەی ئێە بی سی ٧.
ویستگە تەلەڤزیۆنیەگە وت: نۊسینگەی پزشک دادوەری لە لۆس ئەنجلس بڕیار دا ک ئەو تەرمە هن پیرلمانە.
و هیمان نەڕسینەسە بندروس هووکار مردنەکەی.
