ژیان مەردم لەناو تابلۆیل برۆگیل
شەفەق نیوز/ نۊسەر فەرەنسی رولان رومان ئۊشێد: لە هەر شۆنیگ مردن هەس، هونەر نییە؛ چۊنکە هونەر پیشوازی لە ژیان کەێد، نەگ لە مەرگ.
لە تابلۆیل برۆگیل، دیارە ک کار و کردەوەی لات و رەنجدەرەیل نشان دەێد، تا رووشنایی بخەێدە بان کار رووژانەیان و رەفتار و کردەوەیل ڕۆتینی، باوجی شیوەی ئەو نگبەتەیلیشە نشاد دەێد ک لە کنار ژیانەگە گوزەران کەن.
وەگەرد ئەوەیش، هیلێد تەماشاکەر تابلۆلەی هەس وە دڵخوەشییگ بکەن، ک ژیان لەلای برۆگیل هەمیشە نوو و وەردەوامە، وە شیوەییگ دڵنیاکەرە، و گشت ئەو تاریکی کەڵەکەبۊیە و و ئەو کوشتارەیلە لە میژوو خەێدە کنار، تا ئەرزشیگ وە تەنیا ئینسان بەێد، و چەو لەو هەمکەی کوشتار و کەلمەیلە بپووشێد.
ئیمەیش تەکنیک وەکارهاوردن رەنگەیلی لە تابلۆیلەی لەلامان ئاشکرا بوود، ک ئەرا نموونە؛ خوەشی تیاێد رەنگ کەو و سوور قرمزی وەکار بارێد، ک ئەو سەردەمە رەنگ کەو نشانەی نەگبەتی و خەڵەتیایی بۊی، و رەنگە سوورەگە نشانەی یەکەم کەلەەمی ئایەم بۊی لە سووکایەتی وە مرۆیی و کەم ڕێزی.
لەی تابلۆیە ک (ئاهەنگ سۊیر کشاوەرزەیل) ناویە، و شیوەی زیاتر لە چل کەسایەتی لەناوی دیارە، و خوەییش لەناویان نیشتگە، هانە بان مێزیگ و دیرن لە ئاهەنگ سۊیرەگە شام خوەن.
دیارە ک شیوەکارەگە وە رەنگەیلی شایستەی هەر کەسیگ وەگورەی پایەی خوەی وەپی داگە، و لە خود تابلۆەگە، برۆگیل شیوەی بووکەگە لەناوڕاس ئەو مەردمە کیشادە، وەلی وە ئاسانی ئاشکرا نێکریەێد.
