پیکاسۆی بویچگ تابلۆیەیلی وە سەدان دۆلار فروشێد
شەفەق نیوز/ لە دیاردەیگ هونەری دەگمەن، ئەندریە ڤالێنسیا، مناڵیگ تەمەن 10 ساڵانە توەنست تابلۆ هونەریەگانی وە سەدان هەزار دۆلار بفروشێد، لەوەر ئەوە هەوادارەیلی وە "پیکاسۆی بویچگ" ناویبەن.
وەپای رووژنامەی (نیویۆرك تایمز)، ڤالێنسیا ژیان هونەریەگەی لە تەمەن چوار ساڵییەو دەسوەپیکردیە، باوانی هەنای هەس وەپی کەن کوڕەگەیان چەن ساعەتیگ لە ژوور نانخواردنەگەی مینێد و لاسای تابلۆی هونەرمەن گرافیکی کەێد.
وەپای رووژنامەگە، لە ساڵ گوزەشتە ڤالێنسیا لە كەسیگ نەناسریاگ بویەسە کەسیگ دیار هونەری هەنای پێشانگایگ هونەری لە شار میامی ئەمریکا وازکرد تابلۆیەیلی سەرنجیگ فرە وەلای خوەی کیشا.
ڕۆژنامەگە وتیش، یەكیگ لە تابلۆیەیلی وە 159 هەزار دۆلار فروشتیە لە خانەی زیادكردن (فلیپ دی بوری) لە هۆنگ كۆنگ، و تابلۆیلتری وە 230 هەزار دۆلار لە ناوەندیگ خێرخوازی لە ئیتاڵیا فروشتیە.
