ئیبۆ ده‌نگه خوه‌شه‌گه‌ی له‌ده‌سدا
2013-07-27T10:43:23+00:00
وه‌گوره‌ی هه‌واڵێگ ڕووژنامه‌ی بوگیون توركی، تاتڵسێس گله‌يی له‌و دكتۆره ديرێ ك نه‌شته‌رگه‌رییه‌گه ئه‌ڕای ئه‌نجامداگه‌و ئويشێ:"وه‌بێ ئاگاداری ئه‌و، دكتۆره‌گه گووشت لای ڕاس و چه‌پ لويتی لاوردگه، ئه‌وه‌يش كاریگه‌ری له‌بان شێواز ده‌نگی دروسكردگه‌و ئاڵشت بويه".
تاتڵسێس ئويشێ:" له‌دويای ئه‌و نه‌شته‌رگه‌رییه بێجگه له‌خراوبوين ده‌نگم، له‌وه‌خت قسه‌كردنیش كێشه ئه‌ڕام دروس بوود، ئه‌گه‌ر شكات له‌دكتۆره‌گه‌يش بكه‌م سوودێگ نه‌يرێ، چوينكه وه‌رجله نه‌شته‌رگه‌ری له‌بان كاغه‌زێگ ئمزاێگ وه‌پيد كه‌ن ك وه‌ره‌زامه‌ندی خوه‌د بويه، وه‌لی من له‌كووره بزانم ئه‌و دكتۆره وه‌ختێگ وتگه گووشت لای چه‌پ لويتت لاوه‌م، گووشت لای ڕاسیش لاوه‌ێد".
ا. ج
