یوڤۆنتوس یەکەمین درفەت ئەرا یەکلاکردنەوەی نازناوەگە لەدەس دەێد

یوڤۆنتوس دەرفەت یەکەمی لەدەس دا ئەرا یەکلاوکردنەوەی نۆیەم نازناو لەپشت یەک، ئەویش وە کەفتنە سەختەگەی لەوەردەم ئۆدینیزی خاوەن ماڵ ١-٢ ، رووژ پەنجشەممە، لە قۆناغ سی وپەنجم لە دەوره‌ی تۆپان ئیتالی.

یوڤۆنتوس بازیەگە دەسکردەپی وە دەسکاری لە شیوەی تیمەگەی و بەشداری دانیلی رۆگانی و دانیلۆ باەڕازیلیەگە لە وەرگری و ئەلویزی ئاڕون رامسی لە ناوڕاس و ڤیدیرکیو بڕانردیسکی لە وەردەم وەهاوشان پاوڵۆ دیبالا ئەرجەنتینیەگە و کریستیانۆ رۆناڵدۆی پورتوگالی، لەسەرەتاوە جەخت هاوردوید بەڵکم دەرفەتە مەترسیدارەگە ئەرا ئۆدینیزی بوی ک بەختەگەی نەهات دویای هاتنەوەی تۆپەگە لە سویک گۆڵەگەو لە تەقەلای کین سسیمای سویدی لە دانیلۆ ئەرای هات و گۆڵچیەگە پۆلەندیەگە فۆیچیخ چیشنی خەڵەتان.

یوڤۆنتوس چەوەڕی کرد تا خولەک ٢٦ ئیجا هەڕەشەی گۆڵ خاوەن ماڵەگە کرد وە تۆپ توندیگ لە پای رۆناڵدۆ لە نزیک ناوچەی سزا، بڵکم تەقەلاگەی وەنزیگ لا چەپینەی گۆڵەگە رەدبوی.

هەنای شەوت یەکەم لە نزیک تەواوبوینەو بوی، یوڤۆنتوس لەچەن گواستنەوەیگ ئەرا تۆپەگە و شیوانن وەرگریەگە ماتێس دی لیخت لەوەرگرەو هاتویدە وەردەم تۆپەگە خستە لای چەپ خوان موسۆ گۆڵچیە ئەرجەنتینیەگە .

بەڵکم ئۆدینیزی لەدویای هچانەگە دووارە بازیەگە کۆنتڕۆڵ کرد، وە گۆڵ رەنگینیگ وەسەر لیا نستروۆفیسکی.

یوڤۆنتوس دویای گۆڵەگە جەخت کرد و هەوڵدا سەرکەفتن وەدەس بارێد، وەلی وەرگری رکابەرەگەی لەوە سەختتر بوی.

نزیک لە کۆتایی بازیەگە، ئۆدینیزی گۆڵ سەرکەفتنەگەی وەدەس هاورد، تا پانجم شکستی بخەێدە بان میوانەگەی لەی وەرز یەکەمە.