ژنیگ رێساگە شکنێد وبوودە موختار گەڕەگیگ لە عراق

شەفەق نیوز/ لە وەخت دامەزرانن دەوڵەت عراق، موختار گەرەکەگان پیاوبوینە، تا وەی دویاییە، لە گەڕەک سەنیە لە شار حله‌ سەروە پارێزگای بابل، ژنیگ وەناو سەنا سەلمان زوبەیدی، ئی رێسا شکنێد وبوودە مەختار گەڕەکەگە، ک گشت خەڵک گەڕەکەگە شانازی وەی ئاڵشتبوینە کەن، وه‌تایبەت ک سەنا ژنە موختارەگە وەگشت توانایگ کارەیل گەڕەکەگە وەڕیەو بەێد، وپەیوەندی وەردەوامیگ وەل خەڵکەگە دیرێد، وسەردان ماڵەگان کەێد تا گشتیان بناسێد، وکارەیلیان وەگورەی تونای وەجیبارێد، وفرە لە خەڵک ئەو ناوچە باس لە گڕوگورجی و ئاشکرایی ئی ژنە موختارە کەن، وگورجیی لە ئەنجامدان ئەرکەگانی.
بیجگە ئەوە ک خوەی یەکەم ژنیگە بوودە مەختار لە عراق، وه‌تایبەت لە پارێزگایه‌یل باشوور، هەمیش لە گشت کارەگانی ئاسانکاری فرەیگ دوینێد، لەلایەن دەسڵاتەگان، وەختا چود ئەرا وەڕیخستن داواکاریەیل خەڵک گەڕەکەگەی، چ لە دەسڵات وەڕیەوبردن یا ئەمنی یا خزمەتگوزاری، وئەو ئاسانکاریە وه‌ سوود خەڵک گەڕه‌کە، وشایەت ئی نموونە لەناوچەیل نزیک، کەمکەم لەلی پەیا بوود.