چوین وەگەرد گەرمیەو خوەد گونجنێد؟
شه‌فه‌ق نیوز/ لەی ماوەیلە ، وەگەرد وەرز تاوسان پلەی گەرمی هەواگە بەرزەوبوین ئاشکرایگ وه‌خوه‌یه دیه، ، تا ئایەم بتوێنێد وەگەردیا گوزران بکەێد، بایەسە خوەی بگونجنێد، وبایەسە وازبارێد لە خوەراک روونی و نووشانن مەی.
دکتۆر ماریا ئەپلیتایڤا، ژنە پسپۆڕ خوەراکی روسی، ئاماژەدەێد وە گرنگی کەمەوکردن لە خواردن گوشت، لەماوەی كەشوهەوای گەرم، چوینکە هەڵوشاننی وەخت فرەێگ خوازێد، بیجگە ئەوە ک کارکردن گواستنەوەی خوەراکی یەواشەو بوود لە پلەی به‌رز گەرمی ، ئەراوە تامەی وە خواردن میوە وسەوزەمەنی کریرێد، چوونکە رێژەی فرەیگ لە ئاو وڤایتامین سی هالەناوی، هەمیش گوشت مامر وماسی وخوەراکە دەریایەگان.
ئووشید ئەرا نموونە، توێەنێد لە وەخت ناشتا خایەی تێکەڵبوی وەل سەوزەمەنی بخوەێد، ولەنیمەڕوو شۆربای سەوزەمەنی سەرد و گوشت مامر، ولەشام گوشت مامر یا ماسی وەل سەوزەمەنی، و هەڵبەت ئاماژەدەێد وە گرنگی خواردن میوە و بەرەگان، و دووپات کەێد لە گرنگی فرەوەکردن نووش ئاو لە وەرز گەرمی، هەمیش لە نووشین چای سەوز لە جیای چای سیا، وتەمەی کەێد و نەخواردن زیاتر لە دوو کوپ قاوە لە روژیگ.
لای خوەییش، دکتۆر ئیلیکسی لیوتیخ، پسپۆڕ پزشکی وەرزشی، تەمەی وە راهێنان وەرزشی سەت نیەکەێد، و ئەرا حەزکەرەیل دەو دەوان ئووشێد بایەسە لە ساعەت وەرینەیل شەوکیان ئەو وەرزشە بکەن، وفرە ئاو بنووشن.
دکتۆر مەهمان محمەدۆف، پسپۆر بیماری دڵ، ئووشێد وە هەوداین ژوورەگان لە ماوەی گەرمی، دووجار یا زیاتر لەرووژیگ، و هەمیش سناوکردن لەوەخت پێویست.
