وەیەک هوچان زەوی و پانی و درەیژی بڕیە.. کتاو گینیس درویژترین کاروان باڵندەیگ توومار کەێد

ئەو باڵندە ک وەپی ئویشن "گودويت"  و دەنویک درویژیگ دیرێد، 8495 میل (نزیکەی 13500 كێلومتر) وەبی وسیان بڕیە، هەنای لە ویلایەت ئەلاسکای ئەمریکا تا دوورگەی تاسمانیا لە باشوور ئوسترالیا باڵ گردیە.

ئەو باڵندە ک پارچەیگ ئەلیکترۆنی لەقەی لەشی چەسپیا تا بکەفنە شوینی، لە 11ی ئوکتۆبەر 2022 لە ئەلاسکا دەرچگ، و دویای 11 رووژ لە تاسمانیا  نیشتەو، و ئەو کاروانە وەبی هوچانیگ یا خواردن دانیگ تەواو کرد.

ئەو باڵندە توەنست شمارەی پەیمانەیی وەرین ئەرا باڵندەیگتر لە خود چین "گودويت" شکان، ک نزیکەی 350 کێلومەتر لەوە زیاتر چگ.

ئیریک ووڵەر وەرپرس لە بەش ئاژەڵەیل هشکایی لە تاسمانیا ئەرا کتاو گینیس وت: ئەو باڵندە ک شمارەگە شکان هاتێ نیمەی کیشی یا زیاتر لەی کاروانە لەدەس داگە.

وتیش: ئەگەر ئەو باڵندە لەناو ئاو نیشتەو، خو وەکوتپڕ مردارەو بوود، چوینکە چشتیگ ئەرا مەلەوانی نەیرێد، و نەیش توەنێد لەبان ئاو بنیشێدەو.

وتیش: ئەگەر ئەو فڕۆکە لە شەکەتی کەفتە ناو زەریا، یا کەشوهەوای  بەدیگ ناچاری کرد لەبان ئاو بنیشێدەو، دی ئەوە بوودە کۆتایی.