وێنە.. گوڵ سوو رەنگینیگ لە ئاسمان کەنەدا

شەفەق نیوز/ دانیشتوەیل کەرت ئەلببرتا لە کەنەدا، رک داشتن دڵیان وە سیمای گوڵ سوو جەمسەری رەنگین خوەشەو بکەن، ک لە ماوەی شەوەیل گوزەیشتە ئاسمان شارەگە رازنیدەو، و بەشداری وە بڕیگ گرتە لەبان ژمارەیل خوەیان لەبان پلاتفۆڕمەیل سۆشیاڵ میدیا و ماڵپەڕەیل پەیوەندیە کۆمەڵایەتیەگان کردن. 

وەگورەی ماڵپەڕ canadanews24 ، فڕانک فلۆریان وەڕێۆبەر زانستەیل ئاسمان لە موزەخانەی زانستەگان لە شار ئیدمۆنتون وت: کەشوهەوا سەردەگە کاریگەری لەبان روونی ئی رووشنایەیلە نێکەێد، و ئی رووشنایەیلە لە هەر مەوقەیگ لە ساڵەگە ئەگەر دەرکەفتنیان هەس، و پەیوەندی وە کەشوهەوای سەردی نەیرێد، بەڵکم خوەرەگە هیلێد ئی سیما دەرکەفێد، وهەمیش فلۆریان دیاری کرد ک رووشنایەیل گوڵ سوو جەمسەری، دویای جموجویل لەشە وزەدارەگان وەگەرد گازەیل تووکڵ زەوی دەرکەفن، و لە بووشایی موگناتیسی زەوی وەشیوەیگ لویلەیی رەد بوون، و وتیش؛ باکوور ئەلبیرتا و ئیدمۆنتون ئەرا رەوانگەکردن سیمای گوڵ سوو جەمسەری گونجایگن، و چەنی وەرەو باکوور روی بکەیمن دەرفەت تەماشاکردن ئی رووشنایەیلە زیاترەو بوود.