وینەگرەیگ وەناکاو دەێدامیگ لەدەریا ئەرای دەرچوود

شەفەق نیوز/ گەشتیاریگ  لە کناراو سان دێیگو لە کالیفۆرنیای ئەمریکا،  وەناکاوەو وێنەی ماسی دەگمەنیگ لە زەریای ئارام گرت.       

جای پیلەر هەنای ماسیەگە لە کناراو بلاک لە ناوچەی توری باینز لە سان دێیگو دەرچگ، مەزەنە کرد قەندیل دەریاییە، وەلی دەرچگ ئەو ماسیەسە ک وەپی ئۊشن ماسی تۆپان.       

پیلەر ئەرا میدیایل راگەیانن وت: ماسیەگە فرە گەپ بۊی، و ئیجۊر دەیدامیگ لە ژیانم نەیمە، هەرچەن فرە وینەی زیندەوەرەیل دەریایی گرتمە.     

لەلای خوەییش، بین فرایب وەڕیەوبەرایەتی بەش زیندەوەرەیل دەریایی لە پەیمانگای سکربیس وت: ئی ماسیە وەپی ئۊشن ماسی تۆپان،  ک کەم لە کالیفۆرنیا دیار دەێد، وتیش ئی ماسیە لە بن قۊیلایی دەریا گوزەران کەید، و لە ژیر لم بن دەریاگە خوەی شارێدەو.