وەچکە مامراوی ناشیرین.. کتاو چیرووک مناڵەیل وە شیوەزار کورد فەیلی.. وینە
2023-09-05T10:09:54+00:00
شەفەق نیوز/ لە ئەڵگەردان رەنگینیگ لە زوان سویدی ئەرا زوان کوردی، وەلایەن نویسەریگ کورد وەناو (سارۆ خوسرەوی)، کتاویگ ئەرا مناڵەیل وەناونشان وەچکە مامراوی ناشیرین چاپ کریایە.
لەناو ئی کتاوە وە واژە رستەیل رەنگین و ئاسان ئی کتاو چیرووک مناڵەیلە ئەڵگەردان کریایە، وەگەرد وینەی مامراوییگ کە پاڵەوان ئەو چیرووکەس.
وەچکە مامراوی ناشیرین، نشان مناڵەیل دەێد چوین بایەسە ئایەم باوەڕ وەتوانای خوەی بیاشتوود، و پاپەی قسەی مەردم و رەخنەی بینرخیان نەوود.
هەڵبەت ئیجویر کار و نووڕینیگ سوودەیل فرەیگ دیرێد، هەم ئەرا پەروەردەی مناڵ، هەمیش ئەرا چەسپیان شیوەزار کورد فەیلی یا کورد خوارین لەناو هویرمان نەوەیل هاتگ.
سارۆ خوسرەوی بڕیگ کتاو ترەک وەزوان کوردی چاپ کردیە.
