ئەو خواردنەیلە دەسمیەتیدەرن لە گەرمەوکردن لەش لە زمسان

شەفەق نیوز/ لە زمسان چەندین رییگ هەس ئەرا گەرمەوکردن لەش، جویر پووشین چەن پارچە دڵنگیگ زیایە یا گرنگیدان وە نووشینە گەرمەیل، مەنین لە شوین گەرمیگ، لەهەمان وەخت توەنریەێد وە گرنگیدان وە بڕیگ خوەراک خوەد لە سەرمای زمسان بپارێزی.

یەکەم: بەرهەمە رەگیەگان

وەزی فرەیگ تواێد تا هەرس بکریەێد، یەیش بوودە هووکار ئەوە ک لەش گەرمەو بوود، جویر گەزار، پەتاتە، شەلغەم، کەلەرم، پیاز و تەرەپیاز.

دوەم: چەرەسات

بڕیگ لە چەرەسات جویر گازۆ، بادەم، فستق فرە سوود وەخشن لە زمسان، چوینکە مێتابۆلیزم لەش بەرزەوکەن ک بوودە هووکار ئەوە پلەی گەرمای لەش بەرزەو بوود، هیلێد هەس وە گەرمی بکریەێد.

سێیەم: میوە

بڕیگ میوە جویر گردەکان هندی، سیف، هەلوژاردنیگ فرە خاسیگن ئەرا وەرز سەرما، چوینکە ئی میوەیلە دەوڵەمەنە وە ریشاڵ، وەخت زیاتریگ تواد ئەرا هەرسکردنی،ئی پرۆسە بوودە هووکار بەرزەوبوین پلەی گەرمی لەش.

چوارەم: خا و مامر

رێژەیگ فرە لە پرۆتین و کالیسیۆم و ئاسن هاناوی، ک ئەرا هەرسکردن وەخت تواێد، دەسمیەتی گەرمەوبوین لەش دەێد.

پەنجەم: بەهارات

لەوەخت هەرسکردنی بوودە هووکار ئەوە پلەی گەرمی لەش بەرزەوبوود، جویر ئاڵەت سیا و زەنجەفیل.