وڵات میسر.. سەگ هاریگ پەلامار کوورپەیگ دەێد لەوەر چەو داڵگی و کوتپڕ کوشێدەی
2023-08-26T09:22:02+00:00
شەفەق نیوز/ لە رویداویگ دڵتەزن لە ناوچەی هەرەم لە وڵات میسر، مناڵیگ کوورپە گیانی لەدەسدا، هەنای سەگ هاریگ گەزیەی، ک وەکوتپڕ گیانی لەدەسدا.
دەسەڵاتەیل میسری ئاگاداری وەپیان رەسیە کە مناڵیگ کوورپە وە گەزین سەگ هاریگ لە پشت و دەمچەوی مردیە.
دەسەڵاتەیل میسری رەسینە شوین رویداوەگە، و چەویان کەفتە داڵگ کوورپەگە، کە وتیە مەوقەی ریکردنی لەناو جادە، و کوورپەگە لە باوەشی بویە، شەکەت بویە، و گڕیگ نیشتیە تا هچانیگ بخوەێدەو، و کوورپەگە لەشان خوەی دانایە، و لەورەو سەگ هاریگ ئەرای هاتیە و پەلاماری دایە تا هەر لەوەر چەو داڵگەگە بخوەێدەی، و داڵگیش وەپی نەکریایە قورتاری بکەێد.
وەکوتپر ئەو مناڵە لە قەپ سەگەگە دەرکریا و وەرەو خەسەخانە بریا، وەلێ وەرجە رەسینی گیانی لەدەسدا.
