(گووگڵ ماپس) سێ کەس لە هندستان ئەرا مەرگ خوەیان کلکەێد

شەفەق نیوز/ ٣ پیاو لە هندستان گیانیان لەدەسدان، دویای ئەوە کە لەناو ماشینیگ تەکسی بوین، و ماشینەگە روی وەرەو پیەڵیگ کرد کە هیمان تەواو نەویە، هەناێ لەبان ناونیشان Google maps  ری کرد، تا رەسینە کۆتایی پیەڵەگە و ماشینەگە وەپییان کەفتە خوارەو، وەگورەی ماڵپەڕ "گيزمودو".

رووژنامەی (The Economic Times) هندی وت: ئەو پیاوەیلە روی وەرەو شاریگ ترەک کردنە تاڵبپنە ئاهەنگ سویر، و وەختەگە شەو بویە، و ئاگا لە ناتەواوی پیەڵەگە نەیاشتنە، و دویای رووژیگ لە رویداوەگە ریوارەیل لەو ناوچە ماشینیگ لەژیر پایەیل پیەڵە ناتەواوەگە پەیا کردن. 

وەرپرسیگ ناوخوەیی ئەرا رووژنامەنویسەیل وت: ماشینەگە وەبان نەخشەی گووگڵ کەفتیەسە ری، و گلەی خستە بان خیزانەیل قوربانیەیل لەور وەکارهاوردن وێب کۆمپانیای ئەمریکیر و یەکیگ لە خەڵکەگە وت؛ بایەس بوی ئەو ریە بوەسیەێد، وەلێ کەسیگ پاپەی ئەوە نەوی، و نەبایەس پیەڵەگە لەبان نەخشەگە وە تەواوی نشان بەێد.

قسەکەریگ وەناو گووگڵ ئەرا سایت (Futurism) وت: پرسە و سەرەخوەشی لە بنەماڵەیل قوربانیەیل کەیمن، و ئیمە وەگەرد دەسەڵاتەیل کار کەیمن و پشتگیری لە لێکۆڵینەوە لەی باوەتە کەیمن.