کوشیان پیاویگ لەناو ویستگەی شووردن ماشین لە ئەمریکا
شەفەق نیوز/ پیاویگ ئەمریکی وە رویداو فرە دڵتەزنیگ لە ویلایەت کالیفۆرنیای ئەمریکا گیانی لەدەسدا، ئەوەیش مەوقەی شووردن ماشینەگەی.
سایت "نیوز ویک" ئەمریکی، ئمڕوو دووشەممە، وت: رویداوەگە لە ویلایەت کالیفۆرنیا بوی، هەنای رانندەگە لە ماشینەگەی مارکەی "سیون ئێکس بی" لەناو ویستگەی شووردن ماشین ئامێری هاتە خوار.
پۆلیس ئویشێد: تەرم پیاوەگە تا نزیکەی نیم ساعەت لەناو ئامێرەگە بوی، تا ئاشکرای رویداوەگە کریا. وتیش: خەوەر لە رویداویگ لەناو ویستگەی شووردن ماشین لە ناوچەی ئیسوندیدۆ وەپی رەسی، ک ئەندامەیلی پیاویگ ٥٦ ساڵان وە زەخمەیل سەختیگ لەناو ویستگەگە پەیا کردن.
و دەرکەفت ک پیاوەگە لەناو ماشینەگەی هاتیەسە دەر، و شوین ویستگەی شووردنەگە تەنگەو بویە، و ئامێرەگە پلی داگە و جڕیەسەی.
ئەوەگ ئەڵاجەۊیە، هەنای پیاوەگە لەناو ئامێرەگە گیرهات، زەنگ ئامێرەگە کوتاگە، باوجی کارەگە تا نیم ساعەت وەپی چگە، تا کەسیگتر لەشوینەگە ئاگادار بویە، و پەیوەندی وە پۆلیس کردگە.
تیمەیل فریاکەفتن تەقەلای رزگارکردن پیاوەگە دان، باوجی لەوەر زەخمەیل سەختی گیانی لەدەسدا.
پۆلیس ئویشێد ک نیەزانێد ئەڕا ئی پاوە لە ماشینەگەی هاتیەسە دەر.
