هەڵوژاردن بوودە هووکار تەڵاقداین ژنیگ
![هەڵوژاردن بوودە هووکار تەڵاقداین ژنیگ](https://media.shafaq.com/media/arcella/1702470943641.jpg)
2023-12-13T12:36:08+00:00
شەفەق نیوز/ گرفتەیل کۆمەڵایەت و لەیەکنەفامستن لەناوەین ژن و پیاو لە گشت وڵاتەیل بوونی هەس، تاقمەجاریگ کۆتایەگەی دڵتەزننە، لە وڵات میسڕ لە رووژ دەنگداین ئەرا هەڵوژاردن سەرۆک ئەو وڵاتە، دەنگدايین ژنیگ وە تەقەڵاداین دەێد.
وەچەودیەیل وە ماڵپەڕ "قاهیرە 24"راگەیاننە، پیاوەگە مەوقەی لە کار تێدەو ئەرا ماڵ نووڕێد ئاش ئامادەنییە، وەی مدووە چگە ئەرا نزیکترین بنکەی دەنگداین لە ماڵەگەی مەکتەو ئامادەیی زاهیر جەلال دویەتەیل لە پارێزگەی مەترووح، دوینێد ژنەی لەورا بەشداری هەڵوژاردن کردیە باوجی وەگەرد هاوساگانی کەفیەسە دەمەقاڵیگ، یەیش پیاوە تویڕە کردیە و هیشتیە لە وەردەم مەردم تەڵاقی بەێد.
هرچەن مەردمەگە تەقەلادانە ئارامی بکەن باوجی پیاوەگە رکدار بویە لەبان بڕیارەگەی.