هووشداری لە کەفتن مانگیگ دەسکرد وەبان زەوی کە لە کۆنتڕۆڵ دەرچگە
2024-02-20T12:17:48+00:00
شەفەق نیوز/ ئاژانس چووڵایی ئاسمانی ئەوروپا، ئمڕوو سێشەممە، راگەیان: مانگ دەسکرد ERS-2 کە لە کۆنتڕۆڵ دەرچگە، لە 21 شوبات چوودە بەرگەوای زەوی.
وەگورەی داتایل ئاژانسەگە، ئاسان نییە وە هویردی مەزەنەی ئەو مەوقە و شویمە بکریەێد کە مانگە دەسکردەگە کەفێدە بان زەوی.
وتیش: مانگە دەسکردەگە ئیسە لە بەرزی ٢٠٠ کیلۆمەترە، وەختیگیش داوەزێد ئەرا ٨٠ کم، چوودە ناو بەرگەوا و دەسکێدە هەڵوەشان و سزیان، و هاتێ چارچەیلیگ لەی بکەفێدە ناو زەریا و رخیگ ئەرا مەردم لەلی نییە.
جی باسە کە مانگ دەسکرد ERS-2 لە ساڵی1995 ئەرا چووڵایی ئاسمان کلکریا، و ئەرک چەودیاریکردن زەوی داشتگە. لە ساڵ ٢٠١١ ئاژانس پوڵایی ئاسمانی ئەوروپا کۆتایی هاتن ئەرکەگەی راگەیان و ئەو سزەمەنیە کە مەنیە ئەرا دەرچگنی لە خولگە وەکار هاورد.
