هشکەساڵی دەیان (فیل) لە دەوڵەتیگ ئەفریقایی لەناو دەێد
زانایل ئویشن: ئاڵشتبوین کەشوهەوا هیلێد گەرمی و هشکەساڵی زیای بوود، کە ئیسە لەناو کۆنگرەی نەتەوە یەکگرتگەیل لەباوەت ئاڵشتبوین کەشوهەوا لە دوبەی باس لەلی کریەێد.
وەرپرسیگ لە دەسەی سەیرانگا و ژیان هشکایی لە زیمبابۆی (زیمبارکس) وت: چەمیگ سەرەکی لە پارک وانجی نییە، و ئاژەڵەیل پەنا وە بیرەیل بەن کە وە وزەی خوەر کار کەن.
داڤین مادلاموتو گەورەی زانایل ژینگە لە زیمبارکس ئەرا رۆیتەرز وت: پشت وە ئاو دەسکرت بەسیمن و چوینکە فیلەیل ئاو خوازن، ئیمە تووپیان زیاتر توومار کەیمن.
شمارەی فیلەیل لە وانجی رەسێدە ٤٥ فیل، و هەر فیلیگ ٢٠٠ لەتر ئاو لە رووژیگ خوازێد، وەلێ وەگەرد کەمی سەرچەوەیل ئاو، ئەو پەمپەیلە کە وە وزەی خوەر لەناو ١٠٤ بیر کار کەن، نەتوەنستن ئاویگ وەگورەی خوازین بکیشن.
رۆیتەرز وت: دەیان لە فیلەیل تووپیای کەفتنەسە نزیک بیرەیل، و وەرپرسەیل پارکەگە وتن: فیلەیلیگ ترەک لەناو گژوگیا تووپینە، کە بوونە خوەراک ئەرا ئاژەڵە گووشتخوەرەیل و داڵەیل.
مادلاموتو وت: پارکەگە کەفتیەسە وەر کاریگەری ئاڵشتبوین کەشوهەوا، و وارانیش کەمەو بویە.
