هاتێ شان ژان نیشانەی بیماریيگ رخبەر بوود
2023-08-14T07:47:23+00:00
شەفەق نیوز/ پسپۆرەیل تەندروسی هووشداری وە مەردم دەن مەوقەی هەسکردن وە ژان شان پشتگوشی نەخەن، هاتێ نیشانەیگ بوود ئەرا گرفتیگ رخبەر.
دەسەی تەندروسی نیشتیمانی بەریتانیا راگەیانیە، شان ژانە تاقمەگلێ هاتێ لەوەر گەن خەفتن دروس بوود، باوجی لە پسایەیلیگ هاتێ نیشانەیگ بوود ئەرا هەوکردن زێڵگ.
لە هەوکردن زێڵگ فرەجار لەناکاو لای راس تویش ژان تونیگ تێد و هویردە هویردە ژانەگە وەرەو شان راس چوود، لە دیارترین نیشانەیلی بریتیە لە:
یەکەم: بەرزەوبوین پلەی گەرمی لەش.
دویەم: دڵ قەڵبەوبوین و لەهوشچین.
سێیەم: خەوزڕبوین.
چوارەم: لەدەسدان ئارەزوو خواردن.
پەنجەم: زەردەوبوین پووس و چەرمگی چەو.
شەشەم: پەنام زگ.
