ژنیگ 86 ساڵه وه شاجوان قورتارکردن هۆلۆكۆست هەڵوەژیا
2022-06-29T06:46:12+00:00
شەفەق نیوز/ وەگەرد ئاماده‌كاری ئەرا وه‌ڕیه‌وچگن پێشبڕكێی شاجوان گه‌ردوون له مانگ ئایندە له ئیسرائیل، پێشبڕكێیگتر تایبەت وە قورتاربوین كۆمه‌ڵكوژی جووه‌یل له قودس وەڕیەو چوود.
وەپای راپۆرتیگ رووژنامەی "ئیندیپێندت"، سیلینا ستاینفیلد-ی ته‌مه‌ن 86 ساڵ له پێشبڕكێی هەڵوژاردن شاجوان قورتابویەیل كۆمه‌ڵكوژیی هۆلۆكۆست توەنست تاج شاجوانی له‌سه‌ر بکەێد.
دیاری کریایە، پێشبرکیەگە ئەرا دروسکردن وەختیگ خوەش ئەنجام دریایە، ک بەشداربویەیلی لە گوزەشتە لە تەمەن مناڵی لەوەر ئەو نەهامەتییەی لەبان دەس نازییەیل دینە.
سیلینا ستاینفیلد، له ساڵ 1935 له رۆمانیا لەداڵگبویە، ژیان مناڵی وه سه‌ختی وەریکردیە و لەبان ده‌س نازییه‌یل رویوەروی تونوتیژی بویە، تا له ساڵ 1948 وەرەو ئیسرائیل کووچ کەێد، خیزانداره و خاوەن ٣ زاڕووە و 3 نه‌وه، 2 نەتیجەس.
