ئەنیشتاین بویچگ خوازێد لە تەمەن ١٣ ساڵان دکتۆرا بگرێد

شەفەق نیوز/ کوڕیگ لە تەمەن ١٣ ساڵان لە بەرنامەی دکتۆرا لە فیزیا لە زانکۆی مینیسوتای ئەمریکا وەرگیریا، دویای وەرگردن بەکالۆریۆس لە زانستسیل فیزیا و هویرکاری.  

باوگ و داڵگ ئیلیۆت تانەر ک فرە کەس ناو "ئەنیشتاین بویچگ" بڕینە باڵای، تەقەلا دەن ٢٠ هەزار دۆلار بکەفێدە دەسیان، دویای ئەوەگ کوڕەگەیان لە زانکۆی مينيسوتا وەگریا، تا خوەنەواریوگەی تەواو بکەێد.  

میشێل، داڵگ ئیلیۆت ئۊشێد: کوڕەگەی لە تەمەن سێ ساڵان، خوەشی لە زانست هاتیە، ک وەناکاوەو وەئاسانی هوکارەی خوەنستن بوی، و خوەشی لە شمارەیل هات.  

رووژنامەی دەیلی میل بەریتانی لە زوان ئیلیۆت وت: فرە دووس فیزیا دیرم، ک هوکارەی خوەنەوارەیل زانکۆیش کەم.   

میشێل وتیش: کوڕەگەی وە دوو ساڵ لە ماڵ ناوەندی تەواو کرد، و لە تەمەن نۆ ساڵان دەسکردە خوەنستن زانکۆ.