ژن سەنگافورییگ مناڵیگ زاێد وەرگری لە ڤایڕۆس کۆڕۆنا ها لەشی
2020-11-29T09:57:06+00:00
شەفەق نیوز/ ژنیگ لە سەنگافورە مناڵیگ زای لەشەیل دژوە ڤایڕۆس کۆڕۆنا هەڵگردکە، ک ژنەگە لەمەوقەی دووگیانی لە ئادار گوزەیشتە تووشی هاتوێد، ک بوودە بەڵگەی نوویگ لەباوەت گواستنەوەی پەتای ڤایڕۆس کۆڕۆنا لە داڵگ ئەرا کۆرپەڵەی خوەی.
کوورپەگە لەی مانگە لەداڵگبوی، و تووش کۆڤید-١٩ نەهاتوێد، بەڵکم لەشیەیل وەرگری لە ڤایرۆسەگە هەڵگردگە، وەگورەی رۆژنامەی ستریت تایمز لە زووان داڵگ سیلین نەجشان.
رووژنامەگە وت: داڵگەگە کاریگەریەیل سووکیگ لە بیماریەگە داشتەگە، و دویای دوو هەفتەو نیم لە خەسەخانە دەرچگ.
رێکخراو تەندروسی جهانی ئووشێد: هیمان دیار نییە ئەگەر ئەو ژن دووگیانییە ک تووش ڤایڕۆس کۆڕۆنا هاتگە ڤایڕۆسەگە دەێدە کۆرپەڵەی یا کوورپەی خوەی لەوەخت دووگیانی و شیرداین.
