چەن خوەراکیگ دەسمیەتی داوەزیان کیش دەێد
2023-01-30T10:25:20+00:00
شەفەق نیوز/ میوەیل دەوڵەمەنن وە ماددەیل خوەراکی فرەیگ ک ئەرا لەش گرنگن و دویای خواردنیان ئایەم هاس وە تیری کەێد، لە هەمان وەخت بڕیگ فرە کالۆری لەناویان نییە وەی هوکارە گرنگە ئەرا داوەزانن کێش و ریگری کردن لا چاخی دیرێد.
دکتۆر کامەران رەسوڵ ژاژڵەیی پسپۆڕ زانست خوەراك باس لەوەکردیە، سەوزە و میوە وەگەرد دانەوێڵە تەواوەگان جویر ئارد بوور و برنجی قاوەیی و پاقلەمەنیەگان و ماسی و شیرەمەنیەیل و گوشت بی چەوری وە سەڵامەترین ری زانستی دانریەێد ئەرا قورتاربوین لە چاخی و کیش فرە و مقیەتیکردن خوەد لە دووارە قەڵەوبوین، لە هەمان وەخت ئەو کەسەیلە رووژانە بڕیگ فرە لە سەوزە و میوە خوەن هەمیشە ئەگەر تویشبوونیان وە فرەیگ لە بیماریەیل کەمترەو جویر بیماری دڵ، جەڵتە، شێرپەنجە و هتد.
ئەو میوەیلە دەسمیەتی داوەزانن کێش دەن :
- گریپ فرووت و سیندی.
- سیف و شەکرەسیف.
- بێریەگان جویر بلۆبێری، شلیک، توی دڕگ .
- خۆخ و هەڵوژە و گیلاس و هەرمێ و قەیسی .
- کێوی .
خاسترین جویرەیل سەوزە ئەرا داوەزانن کیش :
- سپێناخ
- بڕۆکلی
- قەڕنابیت و کەلەرم و کاهو و کوزەڵە.
- قارچگ
- بەزالیای سەوز و لۆبیا.
