نووکارییگ لە سنابچات خریەێدە وەردەس وەکارهاوەرەلی
2024-08-28T15:29:46+00:00
شەفەق نیوز/ لەی دویاییە سناپچات نووکاریگ دیار و وەرچەو راگەیان کە ریگە وە وەکارهاوەرەیل ئایپاد دەێد ئەپڵیکەیشنەگە لەبان ئامێرەیلیان داوەزنن، ئیەش دویای ١٣ ساڵ لە وەردەسبوین تەنیا لەبان ئایفۆنەگان.
نووکاریەگە ئەزموون نوویگە وەپای ئەوەگ ئایپاد شاشەیگ گەپتر دیرێد، کوالێتی وینە گردن و ڤیدیۆ لەبانی سەرنجراکیشترە و دیمەنیگ فراوانتر ئەرا شمارەیگ زیاتر لە ستووری هاوڕێەیل لە رووکار بەرنامەگە دابین کەێد.
بیجگە لەوە نووکردنەوەگە تایوەتمەنی نوو گرێدەخوەی کە لەبان بنەمای زیرەکی دەسکرد دامەزریاس، جویر توانای مامەلەکردن وەگەرد تایوەتمەنی "My AI".
ئەپڵیکەیشنەگە وە خۆڕایی لە ئەپ ستۆر وەردەسە، هەمیش هەوەجە وە ئامێریگ کەێد کە وەشان iOS 13 یا نووتر لەبانی بوود.
