نووشین ئاو وەگەرد لەخەوهەڵسان سوودیگ ئەرا هویرمان و خەفتنیگ ئاسوودە
2024-10-11T07:45:36+00:00
شەفەق نیوز/ توێژینەوەیگ زانستی نشان برشگ سوودەیل لەش دیاری کرد لە مقیەتیکردن خوو نووشین ئاو مەوقەی لەخەوهەڵسان.
جۆپار ناودەوڵەتی ئەرا توێژینەوەیل ژینگە و تەندروسی گشتی باس کرد کە تاقی ئەو سوودە وەگەرد بڕیگ کەس بەشدار کریا، کە تا ماوەی ١٢ ساعەت شەو ئاو نەنووشین، ئیجا ئاو وەپییان دریا ئەرا تاقیکردن هویرمانیان.
دەرکەفت کە تەنیان (200 مل) ئاو تبنگی شکنێد و شەکەتی و تویڕەیی کەمەو کەێد.
لە وەختیگ ئەنجامەیل دەرخستن کە نووشین بڕیگ زیاتر لە (500 مل) گرنگە ئەرا خاسەوکردن هویرمان وەشیوەی فرە گەورەیگ.
پسپۆڕەیل تەمەی کەن هەمیشە ئاو بەشان جیە خەفتن بوودر تا رۆتین نووشین ئاو وەگەرد لەخەوهەڵسان وەردەوام بوود.
وەگورەی پسپۆڕەیل، نووشین ئاو وە بڕەیل زیای مەوقەی رووژانە، دەسمیەتی لە خەویگ ئاسوودە دەێد لە شەوانە.
