پەنج کەسە دەوڵەمەنەگەی جەهان 476 ساڵ تواد ئەرا تەواوبوین سامانەگەیان
2024-01-16T07:23:57+00:00
شەفەق نیوز/ وەپای راپۆرتیگ کۆمپانیا گەورەگان و کەسەیل دەوڵەمەن لە ساڵ 2020ەو سامانەگەیان دوو ئەوەنە زیایکردیە، هەنای کە پەنج ملیار کەس لە سەرانسەر جەهان وە شیوەی وەرچەو نەدارترین.
وەپای راپۆرتیگ رێکخریاگ "ئۆکسفام" ، دیاریکردیە لە ساڵ ٢٠٢٠ـەو پەنج ملیار کەس نەدارترەوبوینە، لە وەختیگ کە پەنج لە دەوڵەمەنەیل جەهان وە رێژەی 14 ملیۆن دۆلار لە هەر ساعەتیگ سەروەت و سامانەگەیان بوودە دوو ئەوەنە.
وەپای ئەو رێکخروە، سامان پەنج کەسە دەوڵەمەنەگەی جەهان لە ساڵ 2020ەو وە رێژەی 14 لەسەد زیایکردیە و لەساڵ 2023 رەسیەس ئەرا 869 ملیار دۆلار، ئەو پەنج کەسەش بریتین لە بریتین لە: ئیلۆن مەسک، بێرنارد ئارنۆڵت، جێف بیزۆس، لاری ئێلسۆن و مارک زوکەربێرگ.
هەر یەک لەو پەنج کەسە رووژانە ئەگەر ملیۆنیگ دۆلار خەرجبکەن ئەوە لەماوەی 476 ساڵ سەروەت و سامانەگەیان تەواو بوود.
