پەنج خوو هیلێد لە تەمەن خوەد گەورەتر دیار بەێ
2023-01-23T09:22:24+00:00
شەفەق نیوز/ بڕیگ خوو سادەی رووژانە هەس ک هەڵەن ئەگەر وە وەردوامی ئەنجام بیریەن بوونە هووکار ئەوەگ پووس زوویتر پیر بوود و گەورەتر لە تەمەن خوەد دەربکەفێ.
ماڵپەڕ "الیوم السابع" لە باوەتیگ دیاری پەنج خوو کردیە ک هووکارن ئەرا گەورە دەرکەفتن لە تەمەن خوەد، ک بریتین لیانە:
١. شێدارنەکردنەوەی پووس و هیشتنی وە هشکی.
٢. پاکەونەکردن ماکیاژ وەرجە خەفتن.
٣. زیادەڕۆیی کردن لە تەقشیرکردن پووس ک هیلێد وەوردی چینە بانەگەی پووس شەق بوەێد.
٤. فرە خواردن شەکر و نمەک.
٥. کەم نووشین ئاو.
