نایۆ قارەمانی ئەڕا باشگای چەوار 65 ده تێهران
شەفەق نیوز-دە وازییەێل تووپان چوارلایەنەێ ک دە شارداری ناوچەێ 21 تێهران ئەونریا، تیم پێشکسوەتەێل باشگای چەوار 65 بینە دوێیم.
دە وازی فیناڵ تیم ئەوساوین تووپان پێشکسوەتەێل میللی‌پووش ئێران؛ پەنج وە سێ، تیم چەوار ئیلام برد و بییە قارەمان.
مەهین عەباسی قسەکەر جەرخەی ئیلامییەێل تێهران دەێ بارەوە وت: ئی وازییەلە ڤەر رێزداری ئژ سی و پەنج کوشیایە و زامدار ئەو بەێنەلە نریا تا یادێیون هە بمینێ د دنیا.
بەرپرس لق ژنان جەرخەێ ئیلامییەێل مەرکەز (ج ا م) وت: هە یە ک ژنێک ک تەماشاوان ئی وازییە بییە و تیش بومباران هەواپەیمالەگە یاتێیە ڤ گەرد بڕێ تر ژن ک زەڵەتراق بینە ئژ ئی رووداوە تەهڵە، یە خوەێ چی خووێکە ک بکرێکە دەسمایەێ ڤەر یە ک هووز لاییندارەلەێ حوقووق ژنگەل بیان ڤ ناوجا و نەهیلن ک ئی تاکەرووداوە میژووییە و تایبەتییە ئژ ڤیرەو بچوو ئوو گرد دناییش ئەوبڕەسێ ئژ یە ک ژنگەلیشە یاتنە ڤ تەماشاێ وازی تووپان پیاڤوونەێ ئوو کوشریانە ئڵ بوون یەیش، چیێ ک بڕێ هاڵمێ د ئێرە ڤ تابۆ دزووننەێ ئوو ڤ مەێن و منا کریایە.
ئی حوقووق‌زانە وت: دو گلە زاڕوو سێ و سێزدە ساڵونیش د ناو کوشریایەلە بینە ک یەیش دتوونێ ئژ لایەن لایینگرەلەێ ماف زاڕووەلە د ئێران و د دنیا بگرێگە ڤەر چاو و ئەگەریش بخسنەێ ڤ ڤەر چاو، هەمجا ناو ئیلامیش دیاری‌ترەو دکرێ.
رودوس فەیلی (مستەفا بەیگی)، بەرپرس گشتی جەرخەێ ئیلامییەێل مەرکه‌زیش دە قسەیلەێ خوەێ وت: همیرمان یەسە ک لە یەو لاویش بتوانیم بێ‌ژە وازی تووپان، لە باوەتەێل تر هونەری و فەرهەنگییش بچیمنە سەر وەخت ئی کارەساتە دڵتەزنە تا گەشەێ فرەترێ بدرێ وەێ ک دوێکە هە وەێ خاترەوە رێزداری کردیمن لە براێل لفانەێ هووز سەی‌خانی ک دەرهێنەری فیلم (چوارقوڕنەێ سۆر/ مستطیل قرمز) کردنه ک هه‌م دە میلان ئیتالیا ئوو هەمیش پەسرپێرەکە دە تێران، چەن گل خەلاتی کریا و چەن گلە خەڵات دانە وەێ، تا ئێسە.
