کەمەوبۊین پەیوەنی کۆمەلایەتی تۊیش بیماری تیارێد

شەفەق نیوز/ تۊژینەوەیگ دەرێخەێد ، کەمی یان نەمان پەیوەنی کۆمەڵایەتی بوودە مدووی بیماری دڵ و دەمار.    

گۆڤار BMC Geriatrics ئەنجام تۊژینەوەی زانکۆ مۆناش ئوستورالی بڵاوکرد ک ئۊشێد، لە تەمەن پیری رخ بیماریەیل دڵ و دەمار زیاد بوود، نەک تەنیا لەوەر تەمەن، بەڵکم لەوەر نەبۊین پەیوەنی وەگەر ئەوانەگتر.    

تۊژەرەیل دۊیای لێکۆڵینەوە، لە داتای 11000 ژن و پیاو لە بان تەمەن 70 ساڵی رەسینەسە ئەو ئەنجامە، وە ئێ  داتایەیلە لە ماوەی چوار ساڵ و نیم گردەو کریانە.    

تۊژەرەیل ئەرایان دەرچگە، کەسەیل وە تەمەنەیلیگ ک گوشەگیری کۆمەڵایەتی دیرن 68% ئەگەر تووشبۊین وە بیماری دڵ و دەمار زیاترە.    

دیاری ئەوەیشکرد، خوازین لە پشتگیری کۆمەڵایەتی ئەوەس چوار کەس لە کەسوکار و دوسەیلی سەردان کەسە وە ساڵاچگەیل بکەن، باس لە چشتەیل جیاواز وەگەردیان بکەن و داوای دەسمیەتی وەلیان بکەن.       

پڕۆفیسۆر هاری جینینگس، لەسەر ئەنجامەگان توێژینەوەگە وت: "خیزان، پشتگیری کۆمەڵایەتی پەیوەنیەیلیان وەگەرد کۆمەڵگا لە ژیان مەردم  هەمیشەیی نییە، وەگەرد رەسینەوە زیاترمان لەباوەت وە کاریگەرییەیل پەیوەنی کۆمەڵایەتی لەبان تەندروسی دڵ و دەمارەگان، لەپای چارەکردن گرفتە تەندروسیەیلیانە، بایەت تەقەلا بەێمن زیاتر پشتگیری کەسە وە تەمەنەگان بکەیمن".