میشێل و پاراک ئۆباما خەوەرە جیاوەبوینیان درووزن کەن
شەفەق نیوز/ پاراک ئۆباما و میشێل ژنی وەڵام ئەو خەوەرەیلە دان کە وتنە گوایە لەیەک جیاوە بوینە.
بە پۆستیگ لەبان ئەپلیکەیشن ئینیستاگرام وینەیگ بڵاو کرد کە دەس یەکتری گردنە، ئەوەیش لە ٦١مین ئاهەنگ لەداڵگبوین میشێل.
لەناو وینەگە هەردوگیان لەبان مێزیگ نیشتنە، و روخساریان نشان دووسی ناوەینیان دەێد.
ئۆباما لە کومێنتیگ لەبان وینەگە نویسان: رووژ لەداڵگبوین خوەشیگ ئەرا دووسی ژیانم میشێل ئۆباما، توو گشت ژووریگ پڕ کەید لە گەرمی و دانایی و هەنەکی و پایەیەرزی، و لەوەر رەنگین دیار دەید، من خوەشتبەهم چوینکە لەی ژیانە هاوبەشدم، دووسد دیرم.
هەزاران لە هەوادارەیل دڵیان وەو پۆستە خوەش بوی، و باس دووسی و رێزیان ئەرایان کردن.
لەلای خوەییش، میشێل ئۆباما لەبان هەژمار خوەی ئەو وینە دووارە بڵاو کرد.
ئی وەڵامە وەگەرد خەوەرەیل میدیایل راگەیانن هات، دویای ئەوە کە میشێل راگەیان کە لە ئاهەنگ داناین ترەمپ لە پۆستەگەی لە 20 کانون دویەم ئامادە نیەوود، کە مەردمیگ وتن هاتێ خوەی و ئۆبامای شویی لەیەک جیاوە بوینە.
میشێل لە پرسەی جیمی کارتەر سەرۆک وەرین دیاری نەوی، ئەوەیش ئەو خەوەرەیلە لەبان جیاوەبوینی وەرد پاراک ئۆباما زیایەو کرد.
