میرگ کوورپەیگ خەێدە ژیر پەنج نەشتەرگەری
شەفەق نیوز/ مناڵیگ تەمەنی لە یەک ساڵ ئەوبان نییە، کەفتە ژیر پەنج نەشتەرگەری، ئەوەیش لەوەر قویتدان میرگیگ ک لەناو ئاو پەنەمێد.
داڵگ ئەو دویەت کوورپە وەناو کینیدی ئویشێد: هەنای پزشکەیل وە شەپوول ئەوبان دەنگ نووڕینە دویەتەگەم، بەشیگ لە لیخەرویی وە چشتیگ خڕ بویچگ بەسیایود، و لەلیم پرسین ئایا چشتیگ قویت داگە.
وتیش: کەفتە هویرم لە هەفتەی گوزەشتە میرگ ئاو ئەرا کوڕە گەورەکەم سەنم، چوینکە بیماری دەروینی دیرێد، و ئومید داشتم ئەوە دەروینی واز بکەێد.
وتیش: نیزانم چوین کینیدی توەنست ئەو میرگە قویت بەێد، ک من لەناو سەندووقیگ هەڵی گەردوێم.
وتیش: من و شویەگەم رخمان چگ، هەنای دویتەگەمان کەفتە ژیر نەشتەرگەری تا ئەو میرگە درارن، باوجی هەمیش خوەشهاڵ بویمن ک رەسیمنە بندروس بیماری ئەو کوورپە.
وتیش: وتیمن دویای نەشتەرگەری خاسەو بوود، وەلی کارەگە وەیجویرە نەوی.
داڵگەگە وتیش: کوورپەگە دڵی شیر نەورد، وتیمن یە هن دراوردن دگانیە، و لە خەسەخانە دویای دراوردن میرگەگە دڵی زیاتر لە ٢٠٠ کوتیاد، و وەزوی هەناسە دیاد.
وتیش: دویای ئەوە نیشانەی کارکردن جگر و گورچگی خاس نەوی و ناچار بوین ٦ بۆسە لە لیخەرو هویردی درارن.
داڵگەگە گلەیی لەو کۆمپانیایلە کرد ک ئیجویر میرگیگ دروس کەن، و دووپات کرد ک پەیامەیل فرەیگ لە باوگ و داڵگەیل ئەرای رەسیە ک ئەو جویرە میرگیگ لەماڵ فڕە دانە.
