کۆمپانیایگ ماشین کەفێدە زەرەد وە نزیکەی 1.2 مليار دۆلار
شەفەق نيوز- واشنتۆن
کۆمپانیای ڤۆڵڤۆ، ئمڕوو سێشەممە، وت: باجەیل گومرگی ئەمریکی و دیرکەفتن لە بەرهەمکردن نووترین ماشینەیل کارەبایی، زەرەدەیل گەورەیگ وە وە کۆمپانیاگە رەسنێد، لە وەختیگ مەزەنە کرد زەرەدەگە بڕەسێدە 1.2 مليار دۆلار.
کۆمپانیای دروسکردن ماشینەگە لە بەیاننامەیگ رەسیە ئاژانس شەفەق نیوز وت: لەوەر باجەیل گومرگی وەبان داهاتەیل، کۆمپانیاگە ئیرنگە نیەتوەنێد ماشین ڤۆڵڤۆی ئي-ئێس-90 وە قانجاز لە ئەمریکا بفرووشیێد، لە وەختیگ پەراویزەیل ئي-ئێس-90 هەمیش کەفتە ژیر فشار لە ئەوروپا.
کۆمپانیاگە وتیش: دووارەی هەڵسەنگاندن بڕ فرووشەیل لەی دوو ماشینە کردیمن، و بایەسە خەرج داوەزیان نرخ نا کاش بکەیمن، دووپاتیش لە توومارکردن داوەزیان نرخ نا کاش ئەرا یەک گلە کرد وە 11.4 مليار كرونەی سويدی (1.2 مليار دۆلار ئەمریکی ميركي) لە دویەم چارەک لە ساڵ 2025.
کۆمپانیای ماشین ڤۆڵڤۆ کە گرووپ چیلی چینی خاوەنیە، پلان داشت ماشینەیل گرانبەهای ئي-ئێس-90 لە ساڵ ئایندەو وە نرخیگ لە ئەمریکا بفرووشێد کە لە ئاست نزیکەی 75 هەزار دۆلار دەسوەپی کەێد.
لە وەختیگ گوزەشتە لەی ساڵە، کۆمپانیاگە راگەیان کە ئەوەس 3000 کارمەن دەرکەێد کە نزیکەی 15 لەسەد لە هاز کارکەریە، و نزیکەی نیمەی ئەو فەرمانبەرەیلە هانە سوید.
