کۆمپانیایگ دوارە ئەو فەرشەیلە وەکارتیارێد ک فڕەدریەن
2023-07-14T09:45:53+00:00
شەفەق نیوز/ کۆمپانیایگ لە تورکیا دوارە فەرش و کومبارەیل دەس دوو وەکارتیارێد لەئەنجام چەنکاریگ نویەوکردن هەناردەی وڵاتەیل جیاوازی کەێد.
یەکیگ لە خاوەن پیشەیل کۆمپانیاگە وە ئاژانس ئەنادۆڵ راگەیاندیە "فەرشە کوینەیل ناوچەی ئانادۆڵ جەمەوکەین، نووییان کەیمنەو و هەناردەیان کەێمن ئەرا دەێشت وڵاتەگەمان".
راگەیاندیشە" ئەو فەرشەیلە ک رزیانە یا سزیانە، کوتە کوتیان کەن وەشیوەی کۆلاج نەنیانە یەکەو و فەرش نوو لەلیان درسکەن، و ئەو پورچە فرە بویچگەیلە مینێدەو دوارە وەلایەن هونەرمەنەیل ئەرا دروسکردن تابلۆی هونەری وەکاریتیارن".
کۆمپانیاگە ماوەی ٣٢ ساڵە لە ئیستانبوڵ کار کەێد و ٥٠ کارمەن دیرێد، لەشان کار هەناردەکردن فەرش ئەو فەرشەیلەیش سینێد ک وەکارهاتنەس فرە کوینەو بوینە و دڕیانە، دویای ئەنجامدان چەن کاریگ نوویەوکردن فەرشەیلە ئەرا دەیشت وڵات کلکریەن.
