موزەخانەی هەڵکوڵین لە ژیر ئاو
موزەخانەی ئەتلانتیکۆ لە دورگەی لانزاروتی ئیسپانی، فرەتر لە ٣٠٠ کەسایەتی هاناوی وەئەندازەی سروشتی، وە یەکەمین موزەخانە دانریەێد ک ماوەی سێ ساڵ وەپی چگ تا تەواو بوی. وەژیر ئاوەو دریژە دەێد ئەرا ١٢ بەش. ئی موزەخانە وە رەنج هونەرمەند ئیتاڵی ( جایسون دی کایرس تایلور) کریا، مەلەوانەیل ژیر دەریا تویەنن تەماشای هەڵکوڵینەگان بکەن وە قویلی ٣٩ پا لە ژیر دەریا، ئەویش وەرانوەر کناراو ولایەت باهیا دیلاس کۆلۆڕاس له ئیسپانیا.
هەڵکوڵینەگان لە چشتەیلیگ کریانە تورشگی خراوی نەکەێد و نێەخوریەدەو تا سەدها ساڵ مینێد، وهەمیش وە شیوەیگ دروسکریایگە ک بودە هۆکارییگ ئەرا گەشەکردن ژیان دەریایی. ئامانج موزەخانەگەیش روشنهویری ئەرا خواست ژینگە پارێزیە، تا روشنایی بخەیدە بان ژینگەی دەریایی.
ئی پڕۆژە گەورەترین کار ئامادەکریاگە لە وێنەی خوەی، ئەرا هەڵکوڵینکار تایلۆر.
ئەیە تەنیا موزەخانەی ئۆڕۆپیە لە ژیر ئاو ك ئەرامان ژیان کەسەیلیگ لە مللەت بەڕبەڕ وسەرەتای ژیانیان لەناو ئەشکەفتەیل نیشان دەێد، ٢٠٠ کەس لە تەمەنەیل جوراوجور لەو مللەتە و ئەوانەگ لە نیشته‌جایه‌یل دورگەی کەناری بوین، ها لە ناویان.
